Þessa dagana hrjáir mig væg heyrnarskerðing. Ástæðan er minn aldagamli vinur kvefið sem hefur fyllt höfuð mitt og dempar heyrnina um nokkur desibil. Miðvikudagur er einmitt "pestardagur" hjá okkur 3. bekkjar-þríburunum sem þýðir að við náum sæti á langborðinu á kennarastofunni - og ég þurfti að hafa mig alla við til að geta fylgt samræðunum.

Á mánudagskvöldið var Jói svo að horfa á ensku mörkin og ég settist aðeins hjá honum. Allt í einu tilkynnti þulurinn að paprika hefði skorað mark fyrir Arsenal. Ég varð auðvitað svolítið hissa því það er ekki oft sem grænmeti tekur þátt í enska boltanum. Jói reyndi að telja mér trú um að þulurinn hefði sagt Fabregas en ég er samt ekki alveg sannfærð... ;)