Var að fatta að ég hef ekkert tjáð mig hér síðan 6. maí. Hafið þið saknað mín? ;) Töfin er auðvitað öll bévítans veikindunum að kenna auk þess sem álagið uppi í skóla hefur verið í hærri kantinum. Eða ætti ég kannski að bera við "dómgreindarleysi" eins og pólitíkusarnir...?

Ég er risin úr rekkju og nokkurn veginn hætt að vera veik. Er enn með heiftarlegan astma og liggur við köfnun með reglulegu millibili en er þó ekki rúmliggjandi ;) Er búin að gera ýmislegt skemmtilegt undanfarið og ætlaði að blogga svo mikið um það að það endaði með því að ég blogga ekki neitt...! Fór í grillpartý til Theó síðasta fimmtudag, á Selfoss um síðustu helgi, í "saumaklúbb" hjá Önnu síðasta sunnudag og allt var þetta hvert öðru skemmtilegra.

Í kvöld var svo málsverður uppi í skóla fyrir Comeniusar-gestina okkar. Rosalega góður silungur og svo alls kyns góðgæti sem Comeniusar-fólkið kom með, þar á meðal valmúabrauð og reyktur ostur.

Á morgun er svo Eurovision-forkeppnin og hluti Klúbbsins ætlar að hittast hjá mér til að sjá Silvíu Nótt slá í gegn... ;)

Nú skal ég svo reyna að láta stress og veikindi ekki aftra mér frá því að blogga.