Fékk sjokk í lok annarrar undankeppninnar þegar sagt var að meðal flytjenda í síðustu undankeppninni yrði hin alræmda Silvía Nótt. Var sko ekki par hrifin enda er hún síður en svo í uppáhaldi hjá mér.

Síðan lak lagið á netið og ég mátti auðvitað til með að hlusta, fá að heyra hryllinginn.

Og varð að viðurkenna með sjálfri mér að lagið var þrusugott.

Í gær hittist Klúbburinn síðan heima hjá mér til að fylgjast með úrslitunum og við fögnuðum öll gífurlega þegar Silvía Nótt vann. Eitthvað er Eurovision-heimurinn úti ósáttur við ákvörðun Íslendinga og telja okkur bera litla virðingu fyrir keppninni. Þeir hafa áhyggjur af að við séum að gera lítið úr keppninni með því að senda svona "druslu" út. En halló! Fylgdust þessir sömu menn ekki með keppninni í fyrra? Þar sem langflestar söngkonurnar og dansararnir voru hálfberir? Við erum alla vega ekki mikið verri.

Ég er hæstánægð með að senda Silvíu Nótt út. Ég veit svo sem ekkert hvort hún mun færa okkur sigur en það verður þó skemmtilegt að fylgjast með í maí.