Elsku bíllinn okkar fór í viðgerð í gær eftir hörmungarnar um daginn. Sem betur fer, var tryggingafélagið ekki með nein leiðindi og samþykkti að borga viðgerðina á bílnum til fulls. Minna finnst manni það varla geta verið þar sem við vorum nú í fullum rétti, en það er víst best að prísa sig bara sælan.

Við fengum í staðinn bílaleigubíl sem við höfum þar til glæsibíllinn okkar snýr aftur. Mitsubishi Colt var það heillin og með þeirri leiðinlegustu sjálfskiptingu sem ég hef nokkurn tímann rekist á! Þetta er þessi nýja sjálfskipting sem á að eyða minna og bla bla bla. Veit ekkert um það, en veit bara að það er ömurlegt að keyra apparatið. Hlakka mikið til að fá elsku Chickomobilinn minn tilbaka!

Uppfært 21. júní:
Aldrei að hrósa happi of snemma. Viðgerðin er víst dýrari en þeir áætluðu svo að þeir eru búnir að afturkalla allt saman hjá VÍS...

Finnum nánar út úr þessu rugli á morgun :(