Vaknaði við sól í heiði í morgun. Um hádegi myndi móðir mín nú kalla það, en kl. var ekki alveg orðin 12 svo að ég kalla það í morgun ;)

Dundaði heima við til ca. tvö og dreif mig þá út í smá útréttingar í sólinni. Kíkti m.a. í Glæsibæ og kom mjög sátt þaðan út, enda fann ég mér loksins nýjar buxur (rosa flottar, sumarlegar gallabuxur), sumarjakka og meira að segja tadadada.... sólgleraugu með styrk! :) Hef aldrei tímt að kaupa mér svoleiðis en þau voru á svo góðu tilboði að ég sló til.

Eftir vel heppnaða verslunarferð lagði ég bílnum hjá Laugardalnum og fór út til að taka nokkrar myndir. Fékk mér síðan lítinn göngutúr um dalinn og kíkti yfir á Café Floru í grasagarðinum til að kaupa mér íspinna. Var að flýta mér með hann út í sólina þegar ég rak augun í Pál Óskar sem var að setja upp græjur og testa míkrófóna fyrir tónleika kvöldsins, en hann og Monica Abendroth eru að spila á Café Floru í kvöld. Það var ósköp freistandi að setjast frekar niður inni á kaffihúsinu og stara á kappann, en sólin hafði vinninginn og ég rölti af stað með íspinnann minn.

Hér heima við, tókum við Jói svo ákvörðun um að endurvekja grillið eftir 2 ára hlé. Ótrúlegt en satt, en gripurinn var í lagi eftir alla stormana og vindvolkið á svölunum. Sé fram á mörg grillkvöld í sumar :)

Á eftir liggur leiðin niður í bæ ásamt Elísabet sem ég hef ekki hitt í lengri lengri tíma! Hlakka mikið til :)

Jæja, þá vitum við það... Mér er ekki viðbjargandi þegar gróður er annars vegar.

Frá því í febrúar hef ég látið gemsann minna mig samviskusamlega á að vökva orkideuna mína í hverri viku. Núna er hún hins vegar orðin ósköp lumpin og blómin fögru hengja bara haus.

Þar sem ég kann lítið...nei afsakið... þar sem ég kann ekkert á þá list að halda lífi í blómum þá veit ég ekki hvort það er eitthvað sem hægt er að gera fyrir þessa elsku annað en að vökva hana áfram. Eru einhver trix sem þarf að framkvæma? Færa hana um stað í íbúðinni? Gefa henni blómaáburð? Dansa nakin með hana úti í garði á miðnætti?

Mér þykir þetta ósköp leitt, Theó og Lena :(
En ég reyndi samt mitt besta.