Hélt ég væri að fara að horfa á breska sakamálamynd í kvöld þegar ég settist niður fyrir framan Doctor Sleep. Hlakkaði til að sjá hinn fjallmyndarlega og sjarmerandi Goran Visnjic aðstoða lögregluna við að upplýsa sakamál.

Áttaði mig óþyrmilega á því eftir því sem leið á myndina að ég var ekki að horfa á sakamálamynd heldur hryllingsmynd. Og ég sem er hætt að horfa á hryllingsmyndir því ég verð alltaf svo hrædd og myrkfælin eftir á.

Og þessi hryllingsmynd hafði meira að segja hryllingsaugnatriði (sem ég horfði reyndar ekki á, en áttaði mig samt á hvað var í gangi...).

En frábær mynd samt sem áður.

Er bara fegin að vera ekki ein heima í kvöld... 

Það hefur líklega ekki farið framhjá neinum sem stillt hefur á RÚV, að í dag eru 250 ár liðin síðan Mozart blessaður fæddist.

Við í Hlíðaskóla héldum auðvitað upp á daginn með pompi og prakt að frumkvæði Siggu tónmenntakennara. Ég mætti að sjálfsögðu í Dimmissio-dressinu og fékk kjólinn hennar Hófíar lánaðan handa Siggu.

Það þarf varla að taka það fram að við vöktum mikla lukku meðal nemenda og starfsfólks ;)

Krakkarnir máttu mæta með Mozart-kúlu í tilefni dagsins og heildsalan sem selur okkur kaffið bauð starfsfólkinu upp á Mozart-kúlur. Við Sigga tókum að okkur að dreifa kúlunum á kennarastofunni og stjórnuðum líka fjöldasöng við undirleik Jörundar. Vissuð þið ekki örugglega að Mozart samdi lagið við "Tumi fer á fætur"...? :)

Við Sigga kunnum svo vel við okkur í kjólunum að við myndum helst vilja klæðast þeim á hverjum degi í vinnuna. Taka kórstjórarnir sig ekki vel út? ;)