Angela og Alick, vinafólk mömmu frá því hún og pabbi bjuggu í Bretlandi, eru í heimsókn hér á landi um verslunarmannahelgina. Mamma og Haukur sóttu þau á flugvöllinn á föstudeginum og svo komu þau öll við hjá mér í brauð og kaffi.

Í gær fórum við Jói svo og hittum þau á Selfossi en mamma bauð okkur öllum í mat. Einstaklega ljúffengt lambalæri, grillað á útigrillinu, namm namm :) Ég gleymdi myndavélinni heima en gat bætt fyrir það í dag þegar mamma og Haukur komu með þau í smá miðbæjarferð. Ég hitti þau uppi við Perlu þar sem þau voru að enda við að skoða Sögusafnið flott en við fengum okkur síðan súpu saman í kaffiteríunni á 4. hæð.

Að því loknu fórum við upp í Hallgrímskirkju og röltum síðan um miðbæinn og veðrið fór sífellt batnandi. Indælis dagur og ég var mjög ánægð með að hafa fengið að fljóta með :)

Ég sló nú engin met í myndatöku, þó ég hafi auðvitað reynt að standa orðsporinu sem einn helsti papparassi fjölskyldunnar ;) Myndirnar mínar frá deginum eru hér.