Ég er hrædd um að það hafi eitthvað misfarist að "installera" í mig gróðurgeninu frá henni móður minni. Ég hef hingað til ekki átt mörg blóm, en náð á undrafljótan hátt að drepa þau fáu blóm sem í mína umsjá hafa komið. Gleymi yfirleitt að vökva þau vikum saman...

Nú er ég hins vegar að reyna að taka mig á. Theó og Lena gáfu mér undurfagra orkideu þegar þær komu í Eurovision-hittinginn til mín í febrúar. Ég var staðráðin í að halda lífi í blóminu og kála því ekki med det samme.

Þannig að ég læt gemsann minn pípa á mig á hverjum sunnudegi kl. 17 til að minna mig á vikulega vökvun blómsins.

Ekki sniðugt? :)

Orkidean er alla vega enn á lífi og blómstrar vel!