Hann má eiga það hann Quentin Tarantino að hann nær auðveldlega að láta mann fara á taugum og fyllast viðbjóði um leið. CSI-þættirnir tveir sem hann samdi og leikstýrði voru ótrúlega góðir.

Fyndið samt hvað þeir Grissom og Sherlock Holmes eiga margt sameiginlegt enda sá fyrrnefndi líklega byggður að einhverju leyti á hinum síðarnefnda. Báðir svona týpur sem geta lesið allan fjárann út úr minnstu smáatriðum.

Það er því við hæfi að CSI-serían hafi verið að klárast í dag, þar sem ég var einmitt að klára að hlusta á Sherlock Holmes safnið í gær. Er hálfsorgmædd yfir því að geta ekki heyrt um fleiri ævintýri þeirra félaga Watsons og Holmes en ekkert við því að gera. Vona bara að þessi lokaþáttur CSI hafi bara verið lokaþáttur seríunnar en ekki þáttanna almennt. Of mikið að kveðja tvo hjartfólgna spæjara samtímis.