Við mæðgur komum í dag heim úr orlofsferð á Hótel Mömmu (eða Hótel Ömmu?) á Selfossi þar sem við dvöldum í góðu yfirlæti í 3 nætur. Við höfðum það virkilega gott hjá ömmu og afa í Sóltúninu og hittum líka Guðbjörgu og fjölskyldu. Þórunn bloggvinkona ömmu birtist einnig óvænt ásamt manninum sínum og svo fórum við einnig í mat til Eddu og Jóns Inga.

Einhver plön höfðu verið uppi um að föndra jólakort en það varð nú eitthvað lítið úr því. Ég veit ekki hvort ég á að þora að segja frá því en ég byrjaði að föndra mín kort strax í janúar síðastliðnum. Já, ég veit ég er pínu skrýtin ;) Ég komst hins vegar ekki mjög langt, enda fór meðgönguþreytan nú að síga á í febrúar og krónprinsessan "skaust" í heiminn í mars svo að jólakortaföndur var ekki alveg efst í huga mér undir vorið. Nú er tíminn hins vegar allt í einu farinn að líða hratt svo að það er víst best að fara að herða sig aðeins í föndrinu ef þetta á að nást fyrir jól.

En svo ég víki aftur að Selfossferðinni, þá tóku bæði amman og mamman myndir meðan á dvölinni stóð og getið þið komist inn á þær hér að neðan.

• Mömmumyndir
• Ömmumyndir