Það er örugglega þrælfínt fyrir egóið, að ókunnugir karlmenn dáist að maganum á manni á almannafæri.

Og það er ekki síður skemmtilegt þegar umræddur magi veldur athygli vegna þess að í honum hvílir lítið ófætt kríli og ókunnugi karlmaðurinn er aðeins í kringum fjögurra ára gamall.

Við Stefa röltum um Smáralindina í dag og fórum meðal annars inn í skóbúð. Þar sat ca. fjögurra ára snáði ásamt pabba sínum og þeim stutta varð starsýnt á framstæðan magann á mér. Hann sneri sér síðan að pabba sínum og sagði: "Sjáðu magann á þessari!"

Ég flýtti mér að taka upp næsta skópar og rannsaka það nánar til að fara ekki að flissa. Mér fannst þetta svo sætt :)

Fleiri en ég sem kannast við svona daga? :)