Það hefur verið mikið um að vera í félagslífinu undanfarið en ég er búin að fara þrisvar út að skemmta mér í góðra vina hópi síðustu tvær vikur og hef þá skilið litlu prinsessuna eftir hjá pabba sínum. En þar sem ég framleiði (a.m.k. núna) nóg af mjólk til að geta geymt aðeins umfram, þá er þetta nú í lagi.

Árshátíð D-bekkjarins var haldin föstudaginn 8. júní og byrjuðum við á því að fara í keilu. Þær hinar skruppu svo í sund meðan ég fór heim og gaf Rögnu Björk en svo hittumst við aftur heima hjá Sigrúnu og borðuðum mat frá Red Chili. Ég fór nú ekki með niður í bæ á djammið en hinar voru víst duglegar og sáu um þann hluta árshátíðarinnar fyrir mig :)

Strax daginn eftir hittist næstum því sami hópur aftur því komið var að því að gæsa Hildu. Ég var reyndar ekki með um daginn þegar þær fóru með hana að sprella í Kolaportinu, í skotfimi og súludans en hitti þær svo um kvöldið og borðaði með þeim grillmat og fylgdist með hjálpartækjakynningu.

Núna á laugardaginn var hins vegar gæsun Jóhönnu en hún fór í brunch á Café Roma, nudd og Nornabúðina og fleira og síðan borðuðum við saman á Caruso.

Sem sagt, ýmislegt skemmtilegt um að vera enda sumarið yfirleitt tími félagslífssins :)