Það gengur nú ekki að vera efst á blaði með fréttir af lélegri heilsu heimasætunnar, alls ekki nógu jákvætt svona á fyrsta degi sumars.

Ég ætla því að skella hér litlu myndbandi sem ég tók í gær af "fyrsta" brosinu. Þegar mamman skreið hálfmeðvitundarlaus fram úr rúminu í gærmorgun til að skipta á prinsessunni þá fékk hún þetta líka fína bros í verðlaun. Ekki bara eitthvað prumpubros heldur alvöru meðvitað bros. Og þar sem Ragna Björk er vel uppalin og veit hvað það skiptir mömmu hennar miklu máli að festa alla stórviðburði á filmu, þá endurtók hún brosið seinna um daginn, beint framan í myndavélina.

Njótið vel og gleðilegt sumar! :)