Var að frétta að Fabúla, tónlistarkona og samkennari minn í Hlíðaskóla, yrði með tónleika á Domo kl. 9:30 í kvöld. Aðgangseyrir er ekki nema 500 kr. sem er ekki neitt fyrir að komast á tónleika með svo frábærum tónlistarmanni. Ég keypti mér nýjasta diskinn hennar, Dusk, fyrir jól og var þvílíkt heilluð. Fyrri diskarnir eru á óskalistanum mínum.

Ég hefði nú skellt mér á tónleikana í kvöld ef ég hefði tíma, en sé ekki fram á að hafa orku eftir að sitja í einhverja klukkutíma á foreldranámskeiði hjá heilsugæslunni.

En þið hin drífið ykkur að sjálfsögðu! Ég get lofað ykkur að þið eigið eftir að eiga góða kvöldstund og njóta vel!