Þó ég sé nú ekki jafnslæm og hún Vala samkennari minn, sem fór fram á næturnar og eldaði sér gómsætar steikur meðan hún var ólétt, þá verð ég að segja að matarlystin er pínu einkennileg hjá mér.

A.m.k. fannst mér eithvað einkennilegt við að standa við eldavélina rétt fyrir miðnætti í gær og elda mér omelettu fyrir svefninn.

En það var annað hvort það eða að bruna yfir á næsta mexíkóska veitingastað og grátbiðja um að láta opna eldhúsið svo þeir gætu útbúið fyrir mig fajitas...