Í veikindunum um daginn fékk ég m.a. skerandi hausverk. Tók Paratabs og Íbúfen og ætlaði að reyna að sofa en þá fyrst leið mér eins og verið væri að hamast á öllu húsinu með háþrýstidælu. Jói kíkti út um gluggann. Það var verið að hamast á húsinu með háþrýstidælu.

Málararnir eru nefnilega loksins mættir til að gera blokkina okkar fína og flotta.

Það er allt gott og blessað en núna á laugardagsmorgun byrjuðu þeir að mála gluggana með lyktsterkri lakkmálningu og gluggarnir þurftu allir að vera opnir á meðan til að hægt væri að mála kantana líka.

Við mæðgur flúðum því út af heimilinu og pöntuðum okkur herbergi á Hótel Mömmu á Selfossi. Þar vorum við í góðu yfirlæti í tvær nætur og komum heim upp úr hádegi áður en vegir færu að teppast af verslunarmannahelgarumferð. Ég hef nú lúmskan grun um að mömmu hafi ekki þótt neitt leiðinlegt að fá litlu ömmustelpuna í heimsókn ;)