Jæja, ég vona að þið hafið getað nýtt ykkur endurnýtanlegu bloggfærsluna hér á undan meðan engin önnur færsla birtist. Hún er hins vegar smám saman að falla úr gildi núna þannig að tími er kominn til að skrifa eitthvað nýtt. Ég fékk fúkkalyf við kinnholubólgunni og held að þetta sé allt á leiðinni í rétta átt :)

Það er reyndar lítið að frétta af mér. Lífið gengur bara sinn vanagang, við mæðgur dúllum okkur eitthvað yfir daginn og mætum reglulega í mömmuklúbba.

Svo fór ég með klúbbnum og Assa á Café Paris á föstudagskvöldið en það var virkilega huggulegt að komast aðeins út og slaka vel á. Ég var reyndar búin að gleyma hvað mér finnst svakalega leiðinlegt að finna stæði niðri í bæ... ekki það skemmtilegasta.