Þekktur sjónvarpskokkur var ekki hrifnari af íslenska kæsta hákarlinum en svo að hann skyrpti honum aftur út úr sér, þrátt fyrir að hafa sagt viðmælanda sínum að til að teljast alvöru karlmaður þyrftu þeir að kunna að borða hákarl.

Ég skil hann vel, mér finnst þetta alveg virkilega ógeðslegur "matur". Meira að segja kæsta skatan er betri... og er þá mikið sagt!

Hins vegar hafði sjónvarpskokkurinn rangt fyrir sér. Það að borða hákarl sannar ekki að maður sé alvöru karlmaður, heldur eru það alvöru íslenskar smástelpur sem borða hákarl með bestu lyst ;) Það sá ég alla vega í Hlíðaskóla þegar ein af 8 ára stelpunum í bekknum sem ég kenndi sat með fulla skál af hákarli á þorramatsdegi Hlíðaskóla og hakkaði í sig "góðgætið".

Og henni fannst þetta virkilega gott!