Ég eignaðist stórkostlegan grip í gær. Jói keypti fyrir mig rafmagnshitateppi fyrir bak og háls. Ég sat í Lazyboy-stólnum í gærkvöld með apparatið fast við bakið og fylgdist með Eurovision. Tók teppið svo með í rúmið og hitaði bakið vel áður en ég sofnaði. Lagði mig með það í morgun og sat með það við tölvuna í kvöld.

Ég er ekki frá því að ég sé lítið eitt skárri í bakinu núna, en ég er búin að vera frekar slæm síðustu daga. En hvort sem árangurinn er mikill eða lítill þá er ég alsæl því það er óendanlega kósí að nota teppið.

Þið látið ykkur ekki bregða ef þið sjáið mig á vappi einhvers staðar með hitateppi á bakinu tengt við rafkút sem ég keyri á undan mér í barnakerrunni... ;) Því ég held ég ætli að láta græða þessa stórkostlegu nýju eign mína á mig!