Það er búið að vera heilmikið líf og fjör hér í Betrabóli undanfarið. Á páskadag komu góðvinir okkar frá Hollandi, Jongbloets-fjölskyldan, í heimsókn til að dvelja hjá okkur í 9 daga. Eins og við var að búast var þetta frábær tími, allir skemmtu sér konunglega þrátt fyrir smá heilsuvandamál, en Ragna Björk var nýbúin að næla sér í barkabólgu þegar þau komu og gubbupest lét á sér kræla á heimilinu undir lok dvalarinnar... og er eiginlega ekki alveg farin enn...

Ragna Björk og Evy nutu þess að leika sér saman og það var gaman að sjá hvað þær lærðu báðar mikið á samverunni og voru orðnar duglegri í samskiptunum undir lokin.

Við fullorðna fólkið náðum líka vel saman líkt og áður en þetta er nú í 3. sinn sem við erum öll saman - og eiginlega bara í 2. sinn því að þegar við fórum út til að vera við brúðkaup Jolöndu og Jeroen þá hittum við þau nú í raun ekki mjög mikið nema í margmenni.

Við Jolanda vorum öflugar í myndatökum eins og alltaf og afraksturinn má sjá hér. Einnig voru teknar nokkur stutt myndbandsbrot sem eftir á að klippa saman en það er kannski smá bið í að ég nái að gefa mér tíma í það.